“Bakı fəhləsi maşınqayırma zavodu” ASC-nin idarə heyətinin sədri İ.İ. Əliyev

Hörmətli cənablar!

Azərbaycan Respublikası “Bakı fəhləsi maşınqayırma zavodu” neft-qaz, neft-kimya sənaye avadanlıqlarını, onlar üçün lazımı alət və ehtiyat hissələrini layihələri işləmək, hazırlamaq və servis xidmətləri göstərməyə hazırdır.

Biz istehsal etdiyimiz avadanlığın keyfiyyətinin yüksəldilməsi üzərində müntəzəm olaraq çalışırıq. Ümüdvarıq ki, bizimlə əməkdaşlığınız qarşılıqlı faydalı olacaq.

Biz Sizi qəbul etməyə və Sizə lazımı məlumatlar verməyə hazırıq.

“Bakı fəhləsi maşınqayırma zavodu” ASC neft-mədən avadanlıqlarının və eləcə də xalq istehlakı mallarının istehsalı üzrə ixtisaslaşmış iri müəssisədir.

“Bakı fəhləsi maşınqayırma zavodu” ASC 1900-cu ildə Bakı şəhərinin Balaxanı-Sabunçu rayonunun Sabunçu qəsəbəsinin 101-ci sahəsində əvvəlki “Benkendorf” neft firmasının kiçik emalatxanalarının bazasında yaradılmışdır.

Keçən vaxt ərzində “Bakı fəhləsi maşınqayırma zavodu” ASC böyük inkişaf yolu keçərək, məhdud imkanlara malik olan kiçik emalatxana çərçivəsindən Azərbaycan Respublikasının iqtisadiyyatının inkişafında böyük payı olan iri maşınqayırma zavoduna çevrilmişdir.